2. Zikloa

2025-10-10

FOTOSINTESIA LH4

Kaixo!

LH4.mailako ikasleok Landareen gaia jorratzen hasi gara. Horren harira, fotosintesia landu dugu, prozesu hori gertatzeko baldintzak ikertuz eta esperimentu bat eginez. Informazioa bildu eta ondo ulertu ondoren, egindakoaren berri eman nahi izan diegu LH1 eta LH2.mailako kideei. Hortaz, poster batzuk prestatu ditugu talde txikietan azalpenak emateko.

Oso gustora aritu gara denok elkarrekin ikasiz.

2025-10-09

BARRIAKO BARNETEGIA MAEZTUKO HERRIESKOLAKOEKIN

Aurreko urriaren 1, 2 eta 3an, LHko 3.eta 4.mailakoak Barriako barnetegira joan ginen Maeztuko herrieskolakoekin. Hemen duzue argazki bilduma:

2025-05-12

3.MAILAKOAK SULHILTZAILEEI BISITA

Aurreko ostegunean, lanbideei buruzko ikerketa egin nahian, Kanpezuko suhiltzaileengana joan ginen. Jakin nahi genuen zenbat gizon eta emakume dauden lanean, baina hori baino gehiago ikasi genuen.

Ikusi bideoa!!

2024-11-28

BARRIAKO BARNETEGIA MAEZTUKOEKIN

Aurreko azaroaren 20, 21 eta 22an, LHko 3. eta 4.mailakoak Barriako barnetegira joan ginen Maeztu Herri Eskolako maila berdinekoekin. Hona hemen argazki eta bideoak!!

2024-10-29

Arimen Gaua DBHko Plastikako ikasleekin - Lightpainting teknika

Kaixo!

Arimen gaua badator, urriak 31ko gauan ospatzen da Euskal Herrian. Halloween jaiarekin lotura ikus dezakegu, "Arimen gaua" edo "Gau beltza" beldurra sortarazteko gaua delako. Baina bestelako bitxikeriak baditu ere: trapu zaharrak erabiltzeko gaua da, udazkeneko ustaren bilketari agur esateko unea zein arimei bidea erakusteko gaua da ere. Aitzaki honen bitartez Plastika eta Ikus-Hezkuntzako irakasgaian Lightpainting teknika ezagutzeko aukera izan dugu.

Kurtso hauetan atera ditugun argazkien collageak sortu ditugu familiek ere hauek ikusten disfrutatu dezazuen!

Argazkien fondoa girotuta egon zedin "eszenografia" txiki bat montatu dugu, DBHko talde ezberdinen lanari esker:

- Atzeko panelak dekoratuz (paneletan egunkariak jarriz, hauek grapatuz, grafiteatuz,...).
- Klasean landutako ehundurekin dekorazioa sortuz (pareta, xafla, lurreko baldosak,...erabilita paperarekin kalkatu ditugu, erliebeak sortuz).
- Marrazki beldurgarriak* sortuz, norbere estilora (tartalo, mamuak, sorgina, motoserra bat daraman pinguinoa,...)
- Pertsonaiak kartoiarekin sortzen (sorgina).
- Ondoko gelan topatutako erretratu bateri ikutu beldurgarria ematen saiatu gara ere (Basquiat artistaren estiloan oinarritu gara).
- Mahaiaren bodegoia dekoratzeko elementuren bat (collageak zein bestelako marrazkiak sortuz).

Honetarako ere ikasle eta irakasle batzuk ekarritako materiala erabili dugu:

- Lastozko txanoak
- Alkandorak, arropa loredunak, nekazaritzan erabiltzen den arropa, arropa beltza, eta abar.
- Garia
- Egur enborrak
- Saskia
- Argazki zaharrak
- Landareak
- Erratza
-...

Arimen gaua, INFO+:

- Arimen gaua, Testuingurua: https://gaubeltza.eus/testuingurua/
- Azalpen bideoa: https://www.youtube.com/watch?v=05SZfhjQA0w&list=PLSQKjkUAY5_w0wHt9c3PkiLcZfpp1_Hy2
- Arimen gau beltza artikulua: https://zuzeu.eus/kultura/arimen-gau-beltza/
- Bideo laburra: https://www.youtube.com/watch?v=kP-4SSRMHxw

"Lightpaiting" zer da?
Marrazketari lotuta, lerroaz baliatzen den teknika bat ezagutu dugu: Lightpaintinga. Kamera digitalaz eta argi-objetuez baliatuz argazkiak sortu ditugu, non argiekin marraztutakoa kontrastean ageri den emaitza liluragarriak sortuz.

Lightpaintinga argazki-teknika bat da, iraupen luzeko argazkia eginez argiarekin marraztean datza Argia proiektatzen duen edozein objektu erabil daiteke, hala nola linternak, mugikorraren pantailak, bengalak, erlojuaren argia, txirrindularen argiak edo metxeroak. Guk klasean linterna ezberdinak probatzeko aukera izan dugu.

Irakaslearen frogak:

... Ondo pasa zubian!

KUTXEKIN JOLASTUZ

IRUDIMENA TREBATZEN

Hilabete honetan Antzerki Paraisoko emanaldiaz gozatzeko aukera izan dugu eta bertako protagonisten antzera, guk ere kutxei erabilpen anitzak eman dizkiegu.